يا الف اهلا يا تولتميت مرحبا نورتوا المدونه

رباعيات صلاح چاهين اوصيك يا ابنى با القمر والزهور اوصيك بليل القاهره المسحور وان جيت فى باللك اشترى عقد فل لاى سمرا وقبرى يا ابنى اياك تزور؟؟ عجبى ما انتاش بتلعب ليه يا روح بابا ولا عسكرى ولا لص فى عصابه العب اسد او ديب اوغزال دى الدنيا يا ابنى فى نهايه المطاف غابه ؟؟عجبى اقلع غماك يا تور وارفض تلف اكسر تروس الساقيه واشتم وتف قال بس خطوه كمان وخطوه كمان يا اوصل نهايه السكه يا البير يجف ؟؟؟عجبى خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!! ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !! و الكون ده كيف موجود من غير حدود و فيه عقارب ليه و تعابين ودود عالم مجرب فات و قال سلامات ده ياما فيه سؤالات من غير ردود عجبي !!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! سهير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! رقبه قزازة و قلبي فيها انحشر شربت كاس و اتنين و خامس عشر صاحبت ناس م الخمرة ترجع وحوش و صاحبت ناس م الخمرة ترجع بشر عجبي !!!! ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !! انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتي الخنازير و الكلاب شربوا منه عجبي !!!! يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!! شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!! أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !! إقلع غماك يا تور وارفض تلف إكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي !!! يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!! في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة عجبي !!! الفيلسوف قاعد يفكر سيبوه لا تعملوه سلطان و لا تصلبوه ما تعرفوش إن الفلاسفه يا هوه اللي يقولوه بيرجعوا يكدبوه عجبي !!! علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !! إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !! نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! - يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!! السم لو كان في الدوا منين يضر ؟ و الموت لو عدونا .. منين يسر؟ حط القلم في الحبر و اكتب كمان .. و العبد للشهوات .. منين هو حر؟ عجبي !!! وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! سرداب في مستشفي الولاده طويل صرخات عذاب ورا كل باب وعويل .. وفي الطــــــريق متزوقين البنات متزوقـــــــــــــين للحب و المواويل عجبي !! الدنيا أوده كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار عجبي !! أيوب رماه البين بكل العـــــــــلل سبع سنين مرضان وعنده شلل الصــــبر طيب .. صبر أيوب شفاه بس الأكـــــــــاده مات بفعل الملل عجبي !!! نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــدها هي الحياه كده .. كلها في الفاشوش عجبي !!!! يا طير يا عالي في الســــــما طظ فيك ما تفتكرشي ربنا مصطــــــــــــــــفيك برضـــــــــــك بتاكل دود و للطين تعًًًًودً تمـــــــــص فيه يا حلو .. و يمص فيك عجبي !!! كروان جريح مضروب شعاع م القمر سقط من السموات فؤاده انكســـــــــر جريت عليه قطه علشان تبلعـــــــــــه أتاريه خيال شعراء و مالهـــــوش أثر عجبي !!! ياللي نصحت الناس بشــــــــــــــرب النبيت مع بنت حلوه .. وعود , وضحك , وحديت مش كنت تنصحهم منين يكســــــــــــــــبوا تمن ده كله ؟ ... و الا يمكن نســـــــــــيت عجبي !! ما حد في الدنيا واخد جزاتــــــــــــــــــه و لا حــــــــــــــــد بيفكر في غير لذاذاته ما تعرفيش يا حبيبتي .. أنا و انتي مين؟ إنتي عروس النيل ... و أنا النيل بذاته عجبي !! رقاصه خرسا و رقصه من غير نغــم دنيا . . يا مين يصالحها قبل النـــــدم ساعتين تهز بوجههـــــــــــــــا يعنـي يترجرجوا نهديها يعني نعـــــــــــــــم عجبي !!! إخطفني ياللي تحبني ع الحصان الدنيا قالت يوم في ماضي الزمان إخطفني ياللي تحبني ع الـــــفرس الدنيا قالت .. قام خطفها الشيطان عجبي !!!! من بين شقوق الشيش و شقشقت لك مع شهقة العصافير و زقزقـــــــت لك نهار جديد انا . . قوم نشوف نعــمليه انا قلت يا ح تقتلني .. يا ح اقــــــــتلك عجبي !!! جالك أوان ووقفت موقف وجـــود يا تجود بده يا قلبي يا بده تجــــود ما حد يقدر يبقي علي كل شـــــــئ مع إن – عجبي – كل شئ موجود عجبي !!! جالك اوان وعرفت مشي الجنايــــــــز كيف شفتها يا عبد رب اللذايــــــــــــذ قال : شفت شيل بالحيل فقير أو اميـــر كما شالوا في الخمامير فواضي القزايز عجبي !! أنا كنت شئ و صبحت شئ ثم شــئ شوف ربنا .. قادرعلي كل شـــــــئ هز الشجر شواشيه ووشوشني قال : لابد ما يموت شئ عشان يحيا شئ عجبي !! يا مشرط الجراح أمانة علـــــــــــيك و انت ف حشايا تبص من حواليــك فيه نقطة سوده في قلبي بدأت تبان شيلها كمان .. و الفضل يرجع إليك عجبي !!! كيف شفت قلبي و النبي يا طبيــــــــــــب همد و مات و الا سامع له دبيـــــــــــــب قاللي لقيته مختنق بالدمـــــــــــــــــــــوع و ما لوش دوا غير لمسه من إيد حبيب عجبي !!!! تسلم يا غصن الخوخ يا عود الحطـــــــــب بييجي الربيع .. تطلـــــــــــع زهورك عجب و انا ليه بيمضـــــــــــي ربيع وييجي ربيع و لسه برضك قلــــــــــــــــــبي حتة خشب عجبي !!! قلبي عليل يا ناس و في الكاس دواه مديت له إيدي شربت م اللي حــــواه جنبي الشمال خف .. اليمين اتــــوجع و إيه يداوي الكبد م اللي كـــــــــــواه عجبي!! .. دي مزكرات و كتبتها من ســـــــــنين في نوتة زرقا لون بحور الحنيــــــــــــن عترت فيها .. رميتها في المهمـــــــلات وقلت صحيح أما صحيح كلام مخبولين عجبي !! دخل الشتا وقفل البيبان ع البـــيوت وجعل شعاع الشمس خيط عنكبوت وحاجات كتير بتموت في ليل الشــتا لكن حاجات أكتر بترفض تمــــــوت عجبي !! - الدنيا من غير الربيع مــــــــيته ورقة شجر ضعفـــــــانه و مـــفـــــتــته - لا يا جدع غلطان تأمل وشوف زهر الشتا طالع فــــــــي عز الشـــــتا عجبي !!! ياللي انت بيتك قش مفروش بريش تقوي عليه الريح .. يصبح ما فيش عجبي عليك حواليك مخالب كـــــبار و ما لكش غير منقار و قادر تعيش عجبي !!!! سمعت نقطة ميه جوه المحيـــــــط بتقول لنقطه ما تنزليش في الغويط أخاف عليكي م الغرق .. قلـــــت أنا ده اللي يخاف م الوعد يبقي عبيط عجبي !!! بحر الحياه مليان بغرقي الحياه صرخت خش الموج في حلقي ملاه قارب نجاه .. صرخت قالوا مفيش غير بس هو الحب قارب نجاه عجبي !!! فارس وحيد جوه الدروع الحديد رفرف عليه عصفور وقال له نشيد منين .. منين.. و لفين لفين يا جدع قال من بعيد و لسه رايح بعيد عجبي !! كان فيه قمر كأنه فرخ الحمام علي صغره دق شعاع شق الغمام أنا كنت حاضر قلت له ينصرك إشحال لما حتبقي بدر التمام عجبي !! النهد زي الفهد نط اندلع قلبي انهبش بين الضلوع و انخلع ياللي نهيت البنت عن فعلها قول للطبيعة كمان تبطل دلع عجبي !!! صوتك يا بنت الإيه كأنه بدن يرقص يزيح الهم يمحي الشجن يا حلوتي و بدنك كأنه كلام كلام فلاسفه سكروا نسيوا الزمن عجبي !!!! كرباج سعاده وقلبي منه اجلد رمح كأنه حصان و لف البلد و رجع لي نصل الليل و سألني .. ليه خجلان تقول انك سعيد يا ولد عجبي !!! مزيكة هادية الكون فيها انغـــــمر وصيف و ليل و عقد فل و سمر يا هلتري الناس كلهم مبسوطين و يا هلتري شايفين جمال القمر ؟ عجبي!! إنشد يا قلبي غنوتك للجمــــــــــــــــــال و ارقص في صدري من اليمين للشمال ما هوش بعيد تفضل لبكره سعيــــــــــد ده كل يوم فيه الف الف احتمـــــــــــــال عجبي !! آه لو انا و محبوب جزنا الفضـــــا في سفينة وحدينا .. واشيا رضـــا ساعة صفا تعجبنا نرجع لهــــــــــا و الهم قبل ما ييجي .. يبقي مضـى عجبي !! أنا إله الوجد رب الهيــــــــــــــــام أضرب بسهم الوهم وهم الغـــــرام و هم الغرام من كتر ما هو لذيـــــذ رشقت انا ف صدري جميع السهام عجبي !!! حدوته عن جعران و عن خنفســــــــــه اتقابلوا حوا بعض ساعة مســـــــــــــــا و لا قال لهم حد اختشوا عيب حـــــرام و لا حد قال دي علاقة متدنســــــــــــــة عجبي !!!! ياللي عرفت الحب يوم و انطــــــــــــوي حسك تقال مشتاق لنبع الهـــــــــــــــوي حسك تقول مشتاق لنبع الغــــــــــــــــرام ده الحب .. مين داق منه قطره...ارتوي عجبي !!! زحام و أبواق سيارات مزعجـــــة للي يطول له رصيف.. يبقي نجـــا لو كنت جنبي يا حبيبي أنــــــــــــا مش كنت أشوف إن الحياة مبهجة عجبي!! إيديا في جيوبي وقلبي طــــــــرب سارح في غربة بس مش مغترب و حدي لكين ونسان و ماشي كده وبابتعد ما اعرف .. أو باقـــــترب عجبي !! يا ميت ندامه ع القلوب الخـــــــــــلا لا محبة فيها و لا كراهـــــــــــه ولا حتي يا قلبي الحزن ما عادش فيـــــك معلهش .. لك يوم برضه راح تتملا عجبي !! مرحب ربيع مرحب ربيع مرحبــــــــــه يا طفل يا للي ف دمي ناغا وحبــــــــا علشان عيونك يا صغنن هويــــــــــــت حتي ديدان الأرض و الأغربــــــــــــــة عجبي !!! فتحت شباكي لشمس الصبـــــــــــــــــاح ما دخلش منه غيــــــــــر عويل الريـــاح و فتحت قلبي عشان ابوح بالألـــــــــــــم ما خرجش منه غير محبه و سمــــــــاح عجبي !!!! غمست سنك في السواد يا قلـــــــــــــــم عشان ما تكتب شعر يقطر ألــــــــــــــــم مالك جرالك إيه يا مجنون ... و ليــــــــه رسمت ورده وبيت و قلب و علـــــــــــم عجبي !!! انا الذي عمري اشتياق في اشتيـــاق و قطر داخل في محطة الـــــــــفراق قصدت نبع السم وشربت ســـــــــم من كتر شوقي وعشمي في التريـــاق عجبي !!! انا الذي عشت الزمن مضيعـــــــــه بروح حزينة معفنة مضعضعــــــه زرعتشجرة سنط لجل انجــــــرح لقتها شعر البنت و مفرعــــــــــــه عجبي !! لو فيه سلام في الأرض وطمان و أمن لو كان مفيش و لا فقر و لا خوف جبن لو يملك الانسان مصير كل شـــــــــــئ انا كنت اجيب للدنيا ميت ألف ابــــــــــن عجبي !! العشب طاطا للنسايم و نـــــــــــــــــــــخ أخضر طري مالهش في الحســـــــن أخ عصفور عبيط انا .. غاوي بهجه و غنا ح انزلهنا.. و انشا لله يهبرني فــــــــخ عجبي !!! أوصيك يابني بالقمر و الزهـــــــــــــور أوصيك بليل القاهرة المسحـــــــــــــور و إن جيت في بالك .. إشتري عقد فل لأي سمرا.. وقبري إوعك تـــــــــزور عجبي !!!! غمض عينيك و ارقص بخفة و دلع الدنيا هي الشابة و انت الــــــــجدع تشوف رشاقة خطوتك تعبــــــــدك لكن انت لو بصيت لرجليك ....تـقع عجبي !!! حاسب من الاحزان و حاســـــــب لها حاسب علي رقابيك من حبلـــــــــــها راح تنتهي و لابد راح تنتهــــــــــي مش انتهت أحزان من قبلهــــــــــا؟ عجبي !!! يأسك و صبرك بين إيديك و انت حر تيأس ما تيأس الحياه راح تــــــــمر أنا دقت مندا ومندا عجبي لقيــــــت الصبر مر و برضك اليـأس مـــــــر عجبي !! ولدي نصحتك لما صوتي اتنبــــــــــــح ما تخفش من جني و لا من شبـــــــــح و ان هب فيك عفريت قتيل إسألـــــــــه ما دافعش ليه عن نفسه يوم ما اندبح عجبي !! ولدي إليك بدل البالون ميت بالــــــون انفخ وطرقع فيه علي كل لـــــــــــون عساك تشوف بعينك مصيرالرجــــــال المنفوخين في السترة و البنطلـــــون عجبي !!! خوض معركتها زي جدك ما خــــاض صالب و قالب شفتك بامتـــــــــــعاض هي كده...ما تنولش منها الأمـــــــل غير بعض صد ورد ووجاع مخاض عجبي !!!! كام اشتغلت يا نيل في نحت الصخور مليون بئونه و الف مليون هاــــتور يا نيل أنا ابن حلال و من خلفتــــــك و ليه صعيبه علي بس الأمــــــــور عجبي !!! منين أجيبها كلمه متألمـــــــــــــــــة لعيبه فايره حايره و مصممــــــــــه منين اجيبها كلمه تكون بنـــت ارض تشفي اللي ما شافهوش كلام السمـا عجبي !!! أنا قلت كلمة و كان لها معنييـــــــــن كما بطن واحده و توأمين زي وشين لو دنيا شر.. التوأم الخير يمـــــــوت لو دنيا خير .. الشر ح يعيش مــنين عجبي !! أنا اللي بالأمر المحال اغتــــــــــــوي شفت القمر نطيت لفوق في الهـــــوا طلته ما طلتوش إيه انا يهمنـــــــــي و ليه .. ما دام بالنشوة قلبي ارتوي عجبي !! بره القزاز كان غيم و أمطار و بــــــــرق ما يهمنيش – أنا قلت – و لا عندي فرق غيرت رأيي بعد ساعة زمـــــــــــــــــان و كنت في الشارع .. و في الجزمة خرق عجبي !!! عيني رأت مولود علي كتف أمـــــــــــه يصرخ تهنن فيه يصرخ تضــــــــــــمه يصرخ تقول يا بني ما تنطق كـــــــلام ده اللي ما يتكلمش يكتر همـــــــــــــه عجبي !!!! يا عندليب ما تخافش من غنوتك قول شكوتك و احكي علي بلوتك الغنوه مش ح تموتك إنمــــــــــا كتم الغنا هو اللي ح يموتــــــــك عجبي !!! ياللي بتبحث عن إله تعــــــــــــبده بحث الغريق عن أي شئ ينجـــده الله جميل و عليم و رحمن رحــيم أجمل صفاته .. وانت راح توجده عجبي !!! حقرا و فوق كوكب حقير محتقـــــــر في الكون تكون دنياكو إيه يا بــــــقر رملايه من صحرا ؟ لكين إيش تقول و الكون بحاله جوه عقل البشــــــر عجبي !! لا تجبر الانسان و لا تخـــــــــيره يكفيه ما فيه من عقل بيحيــــــره اللي النهارده بيطلبه و يشتهــــيه هو اللي بكره ح يشتهي يغيـــــره عجبي !! ياللي في حماه الشمس تلقي المــــلاذ و ألف بكره و بكره .. في ضلوعه لاذ مين أنت ؟ مارد ؟ رب ؟ قال لأ ده بس انا اللي باروي القمح و اسقي الفــولاذ عجبي !!! غسل المسيح قدمك يا حافي القـدم طوبي لمن كانوا عشانك خــــــــدم صنعت لك نعليك أنا يا أخــــــــــــي مستني إيه .. ما تقوم تدوس العدم عجبي !!!! البط شال عدي الجبال و البحــــــور ياما نفسي اهج .. احج ويا الطــيور أوصيك يا ربي لما اموت .. و النبي ما تودنيش الجنه .. للجنه ســـــــور عجبي !!!

؟؟؟؟؟؟؟؟؟؟؟؟؟

الاثنين، ١ أكتوبر ٢٠٠٧

انتع سؤال للسيد جمال





كلنا شايفين التاج اللى فوق راس السيد الرئيس المنتخب غصب عننا وكلنا برضوا عارفين ان التاج ده هيتم نقله من فوق الراس الجامده دى لراس السيد الوريث المنتظر برضو غصب عننا وانا من هذا المزنق فكرت وقولت ابعت تاج من بتوع المدونين للسيد الوريث بس لقيت نفسى مش قد المسؤوليه دى لانه بدال الفكره فكره تدوينيه من الاساس يبقى لازم يشارك فيها كل المدونين وعلشان كده بعرض عليكم الفكره وهيا كا الاتى كل واحد هيقرا البوست ده هيتنع السؤال اللى نفسه يساله للسيد جمال كل واحد يسال سؤال اتنين براحته بعيدا عن الاساله بتاعه امن الدوله اللى بتكون مترتبه قبل اى لقاء للوريث والهدف فى الاخر من كل ده اخراج تاج جامد نقوم بنشره فى المدونات المشاركه واللى ما شاركتش نحاول نوصل التاج ده يمكن يجى اليوم اللى السيد جمال يقدر يجاوبعليه ربنا يدينا ويديكوا طوله العمرملحوظه كل واحد يسال براحته والعالم يعلم الغايب عاوزين التاج ده يتنشر عسى ان يكون له صدى فى ودن الوريث وان شاء الله هحاول اخراج التاج با اجمل صوره لانه مش هيعبر عنى لوحدى ده هيعبر عننا كلنا كمدونين التاج هيكون رساله مننا لرئيس مصر القادم(ده لما يشوف حلمه ودنه ان شاء الله) عاوز الاساله تنزل زى المطره عليا عاوز اساله تعبر عن الناس عن اهلى واهلكم عن الشعب اساله فى حب مصر ودة مش معناه انها تكون اساله ما فيهاش نوع المرح اللى بيكون فى تاج المدونين بس عاوزها اساله تعبر عن قلب مصر اللى السيد الوريث لا عرفه ولا هيعرفه واحتمال كبير انه ما عندهوش النيه انه يعرفه اوك يا جماعه ده وقت الاساله وان شاء الله خلال السبوعين الجايين هكون ظبط التاج انا عارف ان بعضكم هيعترض لاننا هنكون بنقدم تاج يعنى بنتوجه مللك بس مش المهم كلمه تاج قد ما المهم ما يعبر عنه التاج اوك يا جماعه نبدا على بركه الله نبدا الاساله ومحدش يقولى مش محضر حاجه دلوقتى اوك

هناك ٢٨ تعليقًا:

Unknown يقول...

ياه يعني انت مش هتسأل و انا اللي هسأل
اهلا بالسيد الرئيس الذي سيفوز بأنتخابات نزيهه جدا
اول سؤال هو سؤال جميل و لذيذ انت بتفطر ايه في رمضان ؟؟؟

عليوه يقول...

بدات الاساله بسؤال جامد بس اكيد هيوكن بيفطر زينا يعنى ويمكن بيكون كمان بيدور على اى مائده رحمن يفطر فيها ده غلبان نورتنى يا محمد يا صبحى وانت البدايه يا مان

bastokka طهقانة يقول...

انا معرفكش


سامع يا حضرة المخبر


عاش اسمه اية و احنا لا
اوروفوار

NeRmeeN يقول...

ههه الحمد لله قطعنا الحرارة على الاتصالات
مبروووووك للاهلى وعقبال ماتش الاتحاد ان شاء الله
تحياتى

عليوه يقول...

ايه يا طهقانه انتى بتخلعى بسرعه كده ونظامك اجرى يا زميلى ولا ايه ماشى على العموم مردوداللك قريب وسلمى على طهقان

عليوه يقول...

الله يبارك فيكى يا نرمين وعقبال مصر ما ترجعلها الحراره قولى يا رب

Nani يقول...

السلام عليكم
متى سيتم اعلان قيام المملكة المصرية المباركية - على وزن العربية السعودية
هل سيكون ولي العهد هو الشقيق ام الابن البكر؟

ما تبعيات هذا على نص الدستور
وفيما اذا كان سيتم تسمية الجليلة الفاضلة سوزان بالملكة الام؟
والنبي ابقى اعملي مسقعة بتنجان وزرني اصلي عندي عيش وحلاوة كتير

rainbow يقول...

ازيك يا على
ايه الافكار الجامده دى
ماشاء الله بعد حوار شوشو عامل تاج لجوجو ! حلو اوى خلينا ننفس ولو بالزور عن حبنا المتضخم للمدعو جمال والمشهور بالوربث واحيانا الخبيث !!
بص انا مش مجهزة اى اسأله بس اوعدك كل ما يطق فى نافوخى سؤال هبعتهولك
استعنا عالشقا بالله اول سؤال يا سيدى :
هو سعادتك بتفكر فينا كده وانت داخل السرير بالليل وتفضل تسرح فى السقف زى الحبيب ما يفكر فى حبيبه ؟ ولو الاجابه نعم بيجيلك نوم ازاى ولا مؤاخذه ؟
معلشى ولو فيها رزاله وكانت الاجابه لأ مش بتفتكرنا طيب ممكن اكون وقحه واسألك ليه يادالعدى ؟
والنبى وحياة اللى هيشفع فيك يا شيخ مش بنصعب عليك ؟

بس يا على دى اسألتى دلوقتى وهبعتلك كل ما قؤيحتى ( خلوة قريحتى دى ) تجيلها شرارات الغيظ من جنابه اكتر واكتر
سلام
هدى

عليوه يقول...

nane اساله طحن يا نانى وفى الصميم وهتوجع شكل التاج هيبقى جامد يا بشر قشطات يا نانى

عليوه يقول...

نانى با النسبه للعيش والحلاوه ما تقلقيش اخوانك المدونين مش هيسيبونا نروح بلاش واكيد عاملين حسابهم نتغدا كلنا سوا فى اقرب معتقل

عليوه يقول...

rainbow ايه يا هدهد انتى مخنوقة من اسم النبى حارسه وصاينه اوى بس حلوه الاساله وهنشوف بيفكر فينا ولا فيكر علينا شكله اساسا مش بيعرف يفكر قشطات ولو تفند تفكيرك عن سؤال جديد اوك مستنيه قشطات

mesh2dra يقول...

السلام عليكم


ليه حضرتك ماتنزلش الشارع فجأة وتشوف الشوارع النظيفة وتشوف المصالح بتاعت البنى ادمين اللي واقفة
ليه ماتنزلش مصلحة حكومية...فجأة بردو..وتشوف المآسي

ليه لما بتروحوا مكان..طبعا مع الاتفاق مسبقا...الشارع بيقف
ومصالح الناس بتقف


يالا
مستنيين التاج:)

انا مش معاهم ولا معاك:P

سلاماتي

yas يقول...

انا زعلانة جدا
انا كان مفروض ابقي اول واحدة معلقة على البوست ده
انا اما قريته كان صفر كومنت
بس للاسف النت اللعين فصل قبل ما اعلق
حتى الاسئلة اللى كنت هقولها نسيتها
بجد نسيت اصبر بقيعمال مافتكر يينا ويديك طولة العمر

عليوه يقول...

مش قادره اساله جامده ومش عارف ليه فعلا مش بيحب سيادته ينزل فجاءه يشوف احوال الناس متهيالى انه مش لاقى وقت اصله مشغول مع اللجنه اللى شغال فيها يا عينى بيصحى الصبح زى حالات الناس ويروح يقعد يستنى الشغل بيتعب اصله يا الله يا جماعه التاج بدا يسخن عاوزين شغ اكتر واساله من بتاعه ودع اهللك ولا ايه وعلى فكره يا مش قادره شكلى انا اللى هكون مش معاكم

عليوه يقول...

لا بجد زعلان منك يا ياسمين تبقى اول واحده والنت يهيس معاكى طيب كنتى كتبتى الاساله ما تعرفيش ان السؤال الابيض ينفع فى التاج الاسود على العموم مستنى تفتكرى ولا انتى مش عاوزه تفتكرى مستنيكى اوك قشطات

Unknown يقول...

الفكره جامده مووت
سؤالي بريء للكابتن جيمي
وانت بتلعب في دوره حورس الرمضانيه
المشجعين الكتيير قوي دول ناس زينا ولاااامن اخوانا البعدا اسف اخوانا الحلوين امن الدوله
سؤال تاني لمؤاخذه هطول عليك
انت عمرك نزلت الاماكن الشعبيه البلدي ده(امبابه-المطريه - بولاق ) ومشيت وسط الناس من غير حراسه
معلش هتقل عليك سؤال كمان والنبي
انت كنت بتلعب مع مين وانت صغير
يعني كان ليك اصحاب بتروح لهم وبيجولك
وكنت بتروح بحرس ولا بابا وماما كانوا بيسيبوك لوحدك
كفايه اسئله احسن تتضايق وتقول اني بتقل عليك وربنا يوفقك وتقدر تبيع العتبه الخضرا كمان احسن بقت قديمه قوي

غمض عينيك يقول...

انا عايز اسأله بس
هو خط ولا كارت؟

عليوه يقول...

يخرب بيت دماغك يا زوزو كل ده ومش بتقلى على الراجل وقال ايه سؤال بريء ومالو بريء بريء المهم انه توصله الاساله ويعرف يجاوب

عليوه يقول...

غمض عينيك بقى عاوز تعرف هو كارت ولا خط بسيطه يا عم كرت طبعا زى حالاتنا وتلاقيه كمان مش بيشحن واخد صلاحيه مدى الحياه وبيقضيها رنات وكلمنى شكرا

واد غلبان يقول...

سؤال الى المستر بريسدنت:
كم مرتب رئيس الجمهورية ؟
بدون ذكر الحوافز وخلافة
تحياتى ليك يا عليوة
وعلى تدوينات بقى

Nani يقول...

السلام عليكم
كل سنة وانت طيب يا رب
متشكرة على زيارتك في المدونة

:)

عليوه يقول...

واد غلبان عاوز تعرف المرتب بتاع مستر بريزدنت وماله يا عم هو يعنى انت جيت فى ارنب انت سالت عن مستر بريزدنت يعنى هيعمل نفسه السؤال مش ليه والسؤال للريس الامريكى

عليوه يقول...

نانى كل سنه وانتى طيبه وشرفتينى بس مش عاوزه تسالى اى سؤال يعنى ولا ايه دى الاساله مجاننا واللهى

ناردين يقول...

احم .. نسأل ايه بس .. السؤال لغير الله مذلة
...
كل سنة وانت طيب ... عيد سعييييييييييد
...
سما وناردين

L.G. يقول...

مجرد راي
عن نفسي زعلت من الصورة بجد ليس لأني موافقة على أسلوب الحاكم ولكن بما أنه مازال في سدة الحكم فاحترامه من احترامي واحترام البلد لو أردنا أن نغير نغير بالحسنى بالفكر بالعمل كان من الأفضل أن تقترح أنت من سيكون المرشح الذي تود أن يكون في سدة الحكم وماذا نريد منه ونحدد مطالبنا أتفهم احساس الشباب ولكن التغيير ليس بالاستهزاء ولكن بالجد والعمل سؤالي لو لم يكن أنت الرئيس فمن ترشح بدلا عنك

عليوه يقول...

ماشى يا ست نارين السؤال لغير الله مزله هو انا قولتللك ادعى عليه انا كنت عاوزك بلسانك كده تضربيه سؤال مش تدعيله او تدعى عليه فى فرق يا نارين ومش عارف دة راى سما ولا ليها راى تانى

عليوه يقول...

اخى العزيز L G
لم نفصد من هذا الموضوع التريقه با الشكل اللى انتى شوفته والصوره ما هياش تريقه بقدجر ما هى تعبير عن واقع ان بلدنا بقيت مملكه مش جمهوريه ليها كيانها واستقلالها لا الممالك الوجيدين اللى لا عنهم انتخابات وعندهم دايما ولى عهد ووريث احنا بقه جمهوريه بس عندنا برضو وريث وانتخابات عمرها ما كانت نزيهه صح وسؤاللك فعلا جميل بس يا ترى هيرشح مين

غير معرف يقول...

بما انى مش متجوز حسال الاستاذ جمال ايه الى اخر الجواز بتاعه وحديه اختيارات
1- كان بيكون نفسه
2- مكنش لاقى شقه ايجار جديد
3- مستنى جواب التعيين
4- كان بيخلص الجيش بتاعه